२०० औं भानुजयन्तीको अवसरमा अञ्चलस्तरीय कविता प्रतियोगिता

२७ असार । आदिकवि भानुभक्त आचार्यको द्विशतवार्षिकीको अवसरमा शुत्रबार रोल्पाको लिबाङमा आयोजित राप्ती अञ्चलस्तरीय कविता प्रतियोगितामा दाङका नवीन अभिलाषी प्रथम हुनुभएको छ । आदिकवि भानुभक्त द्विसतवार्षिकी राप्ती अञ्चल समारोह समितिले लिबाङमा आयोजना गरेको ‘स्रष्टा सम्मान तथा राप्ती अञ्चलस्तरीय कविता प्रतियोगिता’मा अभिलाषी १० प्रतिस्पर्धीलाई पछि पार्दै पहिलो हुनुभएको हो ।
त्यस्तै प्रतियोगितामा रोल्पाका रबिन्द्र सुनार द्धितिय, प्यूठानका देबेन्द्र कुमार रीजाल तृतिय र रोल्पाका बिष्णु सन्यास सान्त्वना भएका छन् । प्रतियोगिताका बिजेताहरुले क्रमश प्रथम हुनेले रु ७ हजार पदक र प्रमाणपत्र, द्धितियहुनेले रु ५ हजार प्रमाणपत्र पदक, तृतिय हुनेले ३ हजार प्रमाणपत्र र पदक सान्त्वना हुनेले २ हजार र प्रमाणपत्र हात पारेका छन् ।
अञ्चल भरीका विभिन्न स्रष्टाहरुले आवेदन दिएकोमा उत्कृष्ट १० जनालाई छनौट गरी प्रतिस्पर्धा बनाइएको थियो । कार्यक्रममा राप्तीअन्चलका ६ जना अग्रज साहित्यकारहरुलाई दोसल्ला ओढाएर सम्मान गरिएको छ । कार्यक्रमका प्रमुख अतिथि प्रमुख जिल्ला अधिकारी लुकबहादुर क्षेत्रीले दोसल्लाह ओढाएर सम्मान गर्नुभयो भने कार्यक्रमका सभापति गायत्री घर्तीमगरले टिका लगाईदिनुभएको थियो ।
यसैैगरी बिशिष्ट अतिथि नारायण प्रसाद सुवेदीले प्रमाणपत्र प्रदान गर्नुभयो । सम्मानित हुनेहरुमा प्यूठानका देवेन्द्र कुमार रिजाल र देशमान गीरी, रुकुमका मनीराम गौतम उपाध्याय, रोल्पाका खेमराज शर्मा र बमकुमारी बुढा गरी ६ जना अग्रज साहित्यकारहरु रहनुभएको छ । कार्यक्रममा भानुभक्तको फोटोमा फूलमाला र अबिर लगाई माल्यार्पण समेत गरिएको थियो ।
अञ्चलसमारोह समितिका उपाध्यक्ष डी.बी. टुहुरोको स्वागत मनतब्यबाट शुरुभएको कार्यक्रमको सन्चालन साहित्यकार तथा गायक मोहन सहयात्री परियारले गर्नुभएको हो ।
कार्यक्रममा नेपाली काँग्रेसका जिल्ला सभापति कृष्ण घर्ती, एमालेका मानसिं डाँगी, एनेकपा माओवादीका जिल्ला सचिव पुरण क्षेत्री, राप्रपा रोल्पाका उपाध्यक्ष पूर्णे पुन, जिविसका दामु मर्सिफूल, राप्ती साहित्य परिषद्का केन्द्रीय सचिव रमेश सुवेदी, प्रलेसका केन्द्रीय सदस्य गौरीकिरण डाँगी, विश्व नारी साहित्य राप्ती अञ्चल समारोह समिति रोल्पाका जिल्ला संयोजक केबी बिरही, प्रहरी नायव उपरिक्षक नविनराज राई, फोनिजका मध्यपश्चिम संयोजक खेमबुढा, गैसस महासंघका दिनेश सुवेदी, जलजला क्याम्पसका प्राध्यापक कृष्णप्रसाद न्यौपाने, राप्ती साहित्य परिषदका अध्यक्ष गोकर्ण पुन, ललित साहित्य परिषदका अध्यक्ष ओम पन्छी, प्रलेस रोल्पाका अध्यक्ष नवीन लोचनमगर, नेपाल पत्रकार महासंघ रोल्पाका कोषाध्यक्ष माधव वली, रिपोर्टस क्लव रोल्पाका अध्यक्ष मानसिंह बिक लगायत जिल्लामा रहेका विभिन्न सञ्चार माध्यमका प्रतिनिधि, साहित्यकार एवम् राप्ती अञ्चलका ५ वटै जिल्लाबाट प्रतिनिधित्व गरेका प्रतियोगिहरुको सहभागिता रहेको थियो ।
सम्मानित व्यक्ति र प्रतियोगीहरुलाई खान बस्न र एकतर्फी बसभाडाको व्यवस्था समेत गरिएको अञ्चल समारोह समितिका सदस्य सचिव मोहन सहयात्री परियारले जानकारी दिनुभयो ।