त्यसैगरी राँक गाविसको वडा नं. ९ मा पहिरो जाँदा ४० वर्षिय पर्सराम वली वेपत्ता भएका छन् भने स्थानीय लालबहादुर केसी र देवेन्द्र केसी घाइते भएको प्रमुख जिल्ला अधिकारी लुकबहादुर क्षेत्रीले जानकारी दिए ।
उता रोल्पाको जिनाबाङमा पहिरो जाँदा ८ वर्षिय पारस पुन गम्भीर घाइते भएका छन् ।
त्यस्तै जैमाकसला गाविस वडा नं. ४ मा पहिरो जाँदा करिब डेढ दर्जन खसी बोका पुरिएको प्रमुख जिल्ला अधिकारी क्षेत्रीले बताए ।
रोल्पाकै तालाबाङ गाविसको वडा नं. ५ मा पहिरो जाँदा ४ वटा गोरु पुरिएको र ७ वटा घर निकै जोखिममा रहेको नेकपा एमाले रोल्पाका जिल्ला अध्यक्ष हरिप्रसाद घर्तीले जानकारी दिए ।
उता वर्षासँगै आएको पहिरोका कारण होलेरी स्वर्गद्वारी मोटरबाटो र खुमेलको लम्पुजामा गएको पहिरोका कारण रोल्पा सदरमुकाम लिबाङ जोड्ने एकमात्र सडक अवरुद्ध भएको छ । अहिले नेपाली सेना, नेपाल प्रहरीले बाटो खुलाउने प्रयास गरिरहेको स्थानीय प्रशासनले जनाएको छ ।
यसैवीच अविरल वर्षा भइरहँदा विभिन्न स्थानमा हुनसक्ने दुर्घटनालाई मध्यनजर गर्दै जिल्ला प्रकोप उद्धार समितिको वैठक सकिएको छ । वैठकले प्रति मृतकका लागि ४० हजारका दरले राहत उपलब्ध गराउने र घाइतेहरुको निःशुल्क उपचार गर्ने निर्णय गरेको छ ।
Post a Comment