२६, मंसिर । रोल्पाको लिबाङ वडा नं. ८ गुरुङगाउँमा आज भीरबाट लडेर एक गर्भवती महिलाको ज्यान गएको छ । गुरुङगाउँको निलरह भन्ने भीरबाट बिहान ११ बजे लडेर ३६ वर्षीय हुर्मती केसीको ज्यान गएको हो । गुरुङगाउँ निवासी उनको भीरमा घाँस काट्न गएको अवस्थामा लडेर ज्यान गएको हो ।केसी सिर्जनशिल कृषि महिला सहकारीका सदस्य समेत थिए । केसीको निधनले सहकारी परिवारलाई दुःखी भएको भन्दै अध्यक्ष हिरा घलेले शोक व्यक्त गर्नुभएको छ ।
केसीका श्रीमान मनप्रसाद केसी वैदेशिक रोजगारको लागि कतारमा भएको पारिवारिक श्रोतले जनाएको छ । परिवारका अनुसार श्रीमान घरमा नभएकोले दाहसंस्कार गर्न केही समय लाग्ने बताइएको छ ।
Post a Comment