कार्तिक २८, रोल्पा । संविधानसभाको निर्वाचन आउन जम्मा चारदिन मात्र बाँकी रहेको बेला रोल्पाका सरोकारवाला निकायहरुले छलफललाई तिब्र बनाइरहेका छन् ।
कार्यक्रममा बोल्दै प्रमुख जिल्ला अधिकारी महादेव पन्तले शान्ति सुरक्षाको लागि सबै तयारी पुरा भइसकेकोले कुनै डर त्रास विना मतदान गर्न आव्हान गर्नुभयो । त्यस्तै प्रहरी नायव उपरिक्षक ओम रानामगरले निशस्त्र रुपमा धेरै सुरक्षाकर्मी परिचालन गरिएको बताउनुभयो । उहाँले चुनावको दिन होटेल, रेष्टुरेण्ट तथा शंकास्पद ठाउँहरुमा छापा मारिने समेत जानकारी दिनुभयो । हुरेक रोल्पाको सहकार्य र जिल्ला प्रहरी कार्यालयको आयोजनामा रोल्पाको लिबाङमा भएको अन्तरक्रियामा जिल्लाका सरकारी तथा गैरसरकारी कार्यालयका प्रमुख एवम् प्रतिनिधि, पत्रकार, नागरिक समाजका अगुवाहरुको सहभागितामा छलफल भएको छ ।
जिल्लामा पछिल्ला समयमा भईरहेका विविध गतिविधिका बारेमा सञ्चार माध्यमबाट ब्यापक आईरहेको बताउँदै सहभागिहरुले हुन लागेको चुनावको गतिविधी पश्चात आम मतदाताहरुको सुरक्षाको ग्यारेन्टी हुनुपर्नेमा सुझाएका छन् । राजनैतिक दलहरुको खिचातानीमा मतदाताहरुको भोट हाल्न पाउने अधिकार बन्चित हुन सक्ने, भोट हालेपछि पनि विविध डर, धम्की आउन सक्ने आशंका सहित सहभागिहरुले यसप्रति सुरक्षा ब्यवस्था मजबुत हुनुपर्नेमा सुझाव दिएका छन् । यस्तै सहभागिहरुले राजनैतिक दलहरुले गरेका विभिन्न क्रियाकलापहरु मर्यादा बिपरित हुन थालेको भन्दै नीति नियम बिपरित जानेलाई कारवाही गर्नुपर्ने समेत बताएका छन् ।
कार्यक्रममा सुरक्षानीतिको कडा प्रबन्ध मिलाईएको प्रहरी नायव उपरिक्षक ओम रानामगरले बताउनुभयो ।
अन्तरक्रियामा प्रमुख जिल्ला अधिकारी महादेव पन्तले, निर्वाचन कार्यक्रम संयोजक रामकुमार आचार्य, प्रहरी नायव उपरिक्षक ओम रानामगर, प्रमुख निर्वाचन अधिकृत उपेन्द्र प्रसाद गौतम, गणपति उन्नत राणा, सशस्त्र प्रहरी प्रमुख द्रोण बिक्रम शाह लगायतको आतिथ्यता रहेको थियो ।
Post a Comment