कार्यक्रममा सल्लाहकार तथा नेपाल पत्रकार महासंघ रोल्पाका अध्यक्ष महेश न्यौपाने, सल्लाहकार एवम् प्रलेसका पूर्व केन्द्रीय पार्षद् खेमराज शर्मा, संघका पदाधिकारी लगायतको सहभागिता रहेको थियो । बैठकले यही असोजको अन्तिम सातासम्म प्रलेसको मुखपत्र प्रकाशन गर्ने निर्णय गरेको छ । जसका लागि रचना एवम् शुभकामना संकलन गर्ने निर्णय गरेको छ । प्रलेसका जिल्ला सचिव देवी गुरुङको सन्चालन रहेको बैठकले निवर्तमान कार्यसमितिलाई धन्यवाद दिँदै नयाँ कार्यसमितिमा जिम्मेवारी हस्तान्तर गरेको छ ।
त्यस्तै थप गर्ने भनिएको सदस्यको समेत थप गरी कार्यसमितिलाई पूर्णता दिइएको छ । जसमा सुनिता बुढामगरलाई थप गरिएको सचिव देवी गुरुङले जानकारी दिनुभयो ।
बैठकमा प्रशिक्षण मूलक मनतब्य दिदै केन्द्रीय सचिव डंगोलले देशका ४३ जिल्लाहरुमा प्रलेसको शाखा विस्तार भइसकेको बताउँदै कार्यक्रमहरु पनि सशक्त रुपमा अघि बढीरहेको जानकारी दिनुभयो । उहाँले विभिन्न क्षेत्रगत रुपमा कार्यशाला, गोष्ठीहरु र प्रशिक्षणमूलक कार्यक्रमहरु भइरहेको समेत बताउनुभयो । साधारण सदस्यता विस्तार गर्न आग्रह गर्दै केन्द्रीय सचिव डंगोलले वार्षिक कार्ययोजना तय गरी अघि बढ्न समेत सुझाव दिनुभयो ।
बैठकमा बोल्दै केन्द्रीय सदस्य गौरीकिरण डाँगीले प्रलेसको विधान र नीति नियम अनुसार अघि बढ्न सुझाव दिनुभयो । बैठकले नियमित बैठक प्रत्येक महिनाको अन्तिम शनिवार गर्ने र आवश्कता अनुसार अन्य समयमा पनि गर्न सकिने निर्णय समेत गरेको छ ।
Post a Comment