मंसिर ०८, रोल्पा । जलजला युवा क्लव पाछाबाङ रोल्पाको आठौं वार्षिकोत्सव सोमबार उद्घाटन गरिएको छ । ‘स्वास्थ्यका लागि खेलकुद, राष्ट्रका लागि खेलकुद’ भन्ने मूल नाराका साथ उद्घाटन गरिएको वार्षिकोत्सव तथा मेला मंसिर १० गतेसम्म सन्चालन हुने आयोजकले जनाएको छ ।
एकीकृत नेकपा माओवादीका सुकबहादुर बुढा थमनको प्रमुख आतिथ्यतामा भएको उद्घाटन कार्यक्रममा गाविस सचिव चन्द्रप्रसाद शर्माको विशेष आतिथ्यता रहेको थियो । त्यस्तै कांग्रसका कुलबिर घर्ती, नेकपा–माओवादीका चित्रबहादुर बुढा गणेश लगायतको आतिथ्यता रहेको थियो ।
क्लवका अध्यक्ष कालुराम बुढाको अध्यक्षतामा भएको उद्घाटन कार्यक्रमको स्वागत क्लबका सदस्य सुन्दर वलीले दिनुभएको थियो भने सचिव ओम प्रकास बुढाले सन्चालन गर्नुभएको थियो । वार्षिक उत्सवका अवसरमा विभिन्न स्थानबाट आएका पुरुष भलिबल र महिला गरेर १२ टिमले सहभागिता जनाएका छन् । यस्तै महिला रस्सा कस्सी, एकल नृत्य लगायतका खेलकुदको आयोजना गरिएको छ । मेलाको अवसरमा विविध साँस्कृतिक कार्यक्रम हुने आयोजकले बताएको छ । गाविसको वडा नं. ६ मा रहेको पूर्णिमा सांस्कृतिक समूहले विविध कला प्रस्तुत गर्ने कार्यक्रम रहेको बताइएको छ । मेला अवधिभर मादव पदार्थ सेवन निषेध गरिएको छ भने प्रहरी, विद्यार्थी, युवा क्लव, बाल क्लवको सक्रियतामा दैनिक ३ पटकसम्म अनुगमन समेत गरिदै आएको बताइएको छ ।
Post a Comment