रोल्पा । नेकपा माओवादीले रोल्पाको थबाङमा एक करोड बराबरको लागतमा सहिद स्मृति भवन निर्माण थालेको छ । औपचारिक उद्घाटनसहित थालेको निर्माण कार्यमा देशभरबाट नेता कार्यकर्ताले श्रमदान गर्ने नेकपा माओवादीका स्थायी समिति सदस्य एवम् जनपरिषद् नेपालका प्रमुख सन्तोष बुढामगरले बताए ।
उक्त भवन निर्माणका लागि देशभरका दुईहजार बढि नेता कार्यकर्ताले जनश्रमदान गर्ने योजना रहेको बताइएको छ । सिमेन्टेड भवनको छानो भने जस्तापाटाको हुनेछ । भवन निर्माणपछि दिर्घकालीन हिसावले समेत थबाङबासीका लागि पनि उपयोगी हुने गरी बनाउन थालिएको नेता बुढामगरले बताए ।
विप्लव माओवादी निकट जनगणतान्त्रिक इन्जिनियरिङ संघका अध्यक्ष सुरेश कुमार चौधरीले सर्भे गरेको उक्त भवन करिव दुईमहिनापछि निर्माण सम्पन्न हुने बताइएको छ । ध्वंस र निर्माणको द्वन्द्वात्मक सम्बन्धलाई दृष्टिगत गरी निर्माण थालिएको भवनले दिर्घकालीन प्रयोजनमा समेत राहत पुग्ने नेता बुढामगरको भनाई छ ।
भवनको प्रयोजन
विप्लव माओवादीले फागुन १ गते काठमाडौं खुलामञ्चमा पार्टीको आठौं महाधिवेशनको उद्घाटन गरी थबाङमा बन्दशत्र गर्न हल निर्माण गर्न थालिएको भवन निर्माण समिति संयोजक समेत रहेका बुढामगरले बताए । नेकपा माओवादीले अहिलेको बदलिँदो मुलुकको दुर्दशालाई काठमाडौंबाट खबरदारी गर्ने र जनयुद्धको केन्द्र थबाङमा पुगेर कार्यनीति तय गर्ने बताएको छ । निर्माणाधिन भवनमा माओवादी नेता कार्यकर्ताहरुले छलफल, बहस गर्नेछन् । एक करोड बराबरको भवन निर्माणमा धेरैभन्दा धेरै नेता कार्यकता परिचालन गर्ने भनिए पनि आवश्यक रकमको स्रोत भने खुलाइएको छैन ।
हरेक आन्दोलन उत्पादनसँग नजोडिएर अगाडि बढ्न असम्भव रहेको तर्क गर्दै नेता सन्तोष बुढामगरले निर्माणका त्यस्ता उदाहरणहरुले माओवादी प्रतिको नकारात्मक भ्रम र एकीकृत जनक्रान्तिको सिद्धान्तलाई पनि थप स्पष्ट पार्ने बताए । सबैखाले अवसरवादीसँगको सम्बन्ध बिच्छेदपछि नयाँ क्रान्तिकारी माओवादी पार्टीले थबाङमा गर्न थालेको महाधिवेशनको बन्दशत्रले विश्वभरका क्रान्तिकारीहरुमा उमंग छाएको नेता बुढामगरले दावी गरे ।
Post a Comment